თამაშები
თურქეთი 10.02.2015 17:00
ტორპედო 1:1 ბოტევი
1:0 ბუდუ ზივზივაძე 45' 1:1 ივან ცვეტკოვი(პენ) 85'
მატჩის შესახებ
დღევანდელ შეხვედრაში მიკრო-ტრავმის გამო ბექა ბანძელაძემ და ოთარ კვერნაძემ ვერ მიიღეს მონაწილეობა. მთელი მატჩის განმავლობაში გადაუღებლად წვიმდა, რაც გარკვეულ სიძნელეებს ქმინდა გუნდებისთვის, მიუხედავად ამისა, თამაში მაინც სანახაობრივი გამოდგა. საწყის წუთებში თანაბარი ორთაბრძოლები იყო. ანგარიშის გახსნა ორივე გუნდს შეეძლო. ჯერ იყო და მე-7 წუთზე შეყრილაძემ გამოავლინა კარგი რეაქცია მეტოქის დარტყმის შემდეგ. მერე კი, ადამაძის გადაცემით კირკიტაძე დარჩა მეკარესთან ერთი-ერთზე, მაგრამ ამ უკანასკნელმა მოიგერია მისი დარტყმული ბურთი. მე-12 წუთზე, ერთ-ერთი ბოტეველის დარტყმის შემდეგ ტორპედოელმა მეკარემ ითამაშა დამაჯერებლად. 22-ე წუთზე, კირკიტაძის ჩაწოდებით ზივზივაძემ ერთშეხებაში საბანაძისკენ გადაამისამართა ბურთი, ნიკამაც ძლიერად გაუშვა კარში, მაგრამ მეკარე არ შემცდარა. 28-ე წუთზე, ვასევმა ახლო მანძილიდან ააცილა მიზანს. ტაიმის დასრულებამდე დარჩენილ დროში „ტორპედო“ დაეუფლა სრულ უპირატესობას, რამაც შედეგი გამოიღო. მართალია, მე-40 წუთზე, ზივზივაძის მონადირებული პენალტი ჩიკვილაძემ, სამწუხაროდ, ვერ გამოიყენა(მეკარე), თუმცა ტაიმი მაინც ლოგიკურად დასრულდა, როცა 45-ე წუთზე, მარჯვენა ფლანგიდან ადამაძის ჩაწოდებული ბურთი ბუდუ ზივზივაძემ გაახვია ბულგარელთა კარის ბადეში - 1:0. სხვათა შორის, ეს მისი პირველი გოლია „ტორპედოს“ მაისურით.

ტაიმებს შორის შესვენების შემდეგ გიორგი დარასელიამ მოედანზე ახალი თერთმეტეული შეიყვანა, რომელიც მეტოქეს თითქმის არც ერთ სათამაშო კომპონენტში არ ჩამოუვარდებოდა, თუმცა მათ 85-ე წუთზე არ გაუმართლათ და საჯარიმოში ხელით თამაშის გამო დანიშნული პენალტით გაუშვეს გოლი. თერთმეტმეტრიანის ნიშნულიდან „ბოტევის“ კაპიტანმა ივან ცვეტკოვმა დაარტყა ზუსტად - 1:1. საბოლოოდ, ანგარიში უცვლელი დარჩა, რაშიც საკუთარი წვლილი მეკარე ტყეშელაშვილმაც შეიტანა, მან პირისპირ გასულ ჟირსაკს არ გაატანინა.
თურქეთი 10.02.2015 17:00 ტორპედო 1:1 ბოტევი
თურქეთი 07.02.2015 17:00
ტორპედო 2:2 დებრეცენი
1:1 ოთარ კვერნაძე 27', 2:1 თენგიზ ჩიკვილაძე 58' 0:1 რენე მიჰელიჩი 10', 2:2 ლაზარ პალი 90+2'
მატჩის შესახებ
თამაშის პირველი სახიფათო მომენტი მე-9 წუთზე შეიქმნა, როცა ბანძელაძის პასით საჯარიმოში მყოფმა კირკიტაძემ დარტყმული ვერ მოზომა. ანგარიში აქედან ერთ წუთში გაიხსნა, „ტორპედოს“ საჯარიმოს რკალში არბიტრმა ჩვენი გუნდის ერთ-ერთი ფეხბურთელი გაუგებარ ვითარებაში დააჯარიმა. სტანდარტული მდგომარეობა რენე მიჰელიჩმა გარდასახა გოლად - 0:1. მე-12 წუთზე, შეყრილაძემ ვიტრედის თავური დარტყმით აიღო ბურთი. შეხვედრა გარდამავალი უპირატესობით გაგრძელდა. 27-ე წუთზე, კლიმიაშვილის გრძელი გადაცემის შემდეგ კირკიტაძემ ბურთი კვერნაძესთან გაითამაშა და შეტევაში ჩართულ ბანძელაძეს კარისკენ შეუგორა, ეს უკანასკნელი საგოლე გადაცემის ავტორი გახდა, კარი კი ოთარ კვერნაძემ აიღო - 1:1. შესვენებამდე კიდევ ერთი მომენტი იყო აღსანიშნავი, დებრეცენელის თავური დარტყმთ ბურთი კარს ასცდა. სათქმელია, რომ ერთიანობაში უნგრელები მაღალ ბურთებზე თამაშით უფრო მეტ უსიამოვნებებს გვიქმნიდნენ.

მეორე ტაიმის დაწყებისთანავე „ტორპედოს“ თავდასხმა ზივზივაძით გაძლიერდა. 53-ე წუთზე, ჩიკვილაძე საჯარიმო დარტყმით კარში გაუშვა ბურთი, მეკარემ ეს დარტყმულიც მოიგერია და ადამაძის მიერ სამიოდე მეტრიდან დამატებულიც. 55-ე წუთზე, „დებრეცენსაც“ მიეცა გატანის რეალური შანსი, რომელიც ვერ გამოიყენა. 58-ე წუთზე, ქუთაისელთა ხანგრძლივი შეტევის დროს ტუღუშმა იაქტიურა და საბანაძეს გადააწოდა პასი, ნიკამ საჯარიმოში თენგიზ ჩიკვილაძის მისამართით კარგი გადაცემა გააკეთა, „ტორპედოს“ კაპიტანმაც ლამაზად დააბოლოვა შეტევა და ერთშეხებაში მოჭრილი დარტმით მეკარისგან მარცხენა კუთხეში ჩასვა ბურთი - 2:1. უნდა აღინიშნოს, რომ უნგრელები დღეს საკმაოდ ხშირად უხეშობდნენ, მაგრამ არბიტრს მათთვის არც ერთი ყვითელი ბარათი არ უჩვენებია. დარჩენილ დროში „ტორპედოში“ კიდევ რამდენიმე ცვლილება იყო. მოედანზე შესულ თანაგუნდელებთან ერთად შეყრილაძე წარმატებით უმკლავდებოდა გააქტიურებული მეტოქის შეტევებს, რომ არა მთავარი მსაჯის მორიგი უცნაური გადაწყვეტილება მისი თანამემამულეების სასიკეთოდ, მან მეორე ტაიმის კომპენსირებული დროის ბოლო წამებზე „ტორპედოს“ კარის მიმართულებით არარსებული ჯარიმა დააფიქსირა, რასაც კუთხური და ლაზარ პალის გამათანაბრებელი გოლი მოჰყვა – 2:2. საფინალო სასტვენის ხმაც მაშინვე გაისმა.
თურქეთი 07.02.2015 17:00 ტორპედო 2:2 დებრეცენი
თურქეთი 05.02.2015 19:00
ტორპედო 0:1 პახტაკორი
0:1 კახა მახარაძე(პენ) 52'
მატჩის შესახებ
გულშემატკივრებს ჩვენი ვებ-გვერდის მეშვეობით შეხვედრის ხილვის შესაძლებლობა ჰქონდათ. „ტორპედოს“ მაისურით პირველად ითამაშა საყრდენმა ნახევარმცველმა ვარლამ კილასონიამ, რომელიც სასტარტო შემადგენლობაში გახლდათ და მეორე ტაიმში შეცვალეს. კიდევ ერთი სიახლე კვერნაძის ნაცვლად კვარაცხელიას დაყენება იყო.

მატჩის პირველი ტაიმი უზბეკთა უპირატესობით წარიმართა, თუმცა უგოლოდ დასრულდა, რაც პირველ რიგში, ტორპედოელი მეკარის, ბექა შეყრილაძის დამსახურებაა. მან რამდენიმე რთული ბურთის მოგერიება მოახერხა. საგოლე მომენტის გარეშე არც „ტორპედო“ ყოფილა, ყველაზე სამახსოვრო იყო კლიმიაშვილის მიერ შექმნილი ხიფათი, ირაკლიმ ბურთი მისი ყოფილი გუნდის კარს ოდნავ ააცილა.

მეორე ტაიმი გაცილებით უფრო მრავლისმთქმელი აღმოჩნდა. 52-ე წუთზე, „ტორპედოს“ კარში ცოტა არ იყოს საეჭვო პენალტი დაინიშნა, რომელიც „პახტაკორის“ ქართველმა კაპიტანმა კახა მახარაძემ აქცია გოლად - 0:1. დედაქალაქური გუნდი მომდევნო 7 წუთის განმავლობაში კიდევ ორჯერ უშედეგოდ ეცადა გატანას. მათ შორის ერთ ეპიზოდში ბურთი ძელსაც მოხვდა. ამის შემდეგ, მატჩის სადავეებს მთლიანად „ტორპედო“ დაეუფლა და თამაშმაც ტაშკენტელთა მოედნის ნახევარზე გადაინაცვლა. 62-ე წუთზე, ჩიკვილაძის ჩაწოდებული კუთხურით ჭელიძემ დაასწრო ყველას და კარშიც დაარტყა თავით, მეკარე ლობანოვმა ბურთი მეორე ცდაზე დაიმორჩილა. 3 მომენტი ჰქონდა შეცვლაზე შესულ ტუღუშს: პირველ ორ შემთხვევაში მას მიზანმა უმტყუნა, მესამედ კი, დაახლოებით 15 მეტრიდან ეფექტურად დაარტყა, მაგრამ მეკარემ ითამაშა დამაჯერებლად. ყველაზე მაღალპროცენტული შანსი თამაშში ასევე მოგვიანებით ჩართულ ზივზივაძეს მიეცა, 68-ე წუთზე, ბუდუმ ორ ოპონენტს ჩინებულად აუარა გვერდი, მაგრამ ხელსაყრელი პოზიციიდან დარტყმით კვლავ მეკარემ მოუგერია ბურთი. მე-80 წუთზე, კარის წინ მყოფ ადამაძეს სულ ცოტა დააკლდა, რომ საბანაძის თავური დარტყმის შემდეგ ბურთი კარში გადაემისამართებინა. აქედან წამებში ჩვენი გუნდის ადამაძის წაქცევისთვის პენალტს ითხოვდა, პოლონელმა არბიტრმა ქართველთა პროტესტი არ შეისმინა. ეს ყველაფერი არ იყო, „ტორპედოს“ დინამიური შეტევა გაგრძელდა და კვასხვაძის ჩაწოდებას ადამაძის თავური პასი და საბანაძის გოლი მოჰყვა, რომელიც არ ჩაითვალა. ამჯერად გვერდითი მსაჯის შეცდომაზე შეიძლება საუბარი. გიორგი დარასელიას შეგირდებმა მათ მეტოქეს შტურმი დარჩენილ წუთებშიც მოუწყვეს, მაგრამ საწადელს ვერ მიაღწიეს და მინიმალური ანგარიშით დამარცხდნენ -0:1.
თურქეთი 05.02.2015 19:00 ტორპედო 0:1 პახტაკორი
თურქეთი 02.02.2015 17:00
ტორპედო 0:4 ჟეჟუ იუნაიტედი
0:1 იანგ სუნგ კიმი 40', 0:2 გა რავ კიმი 75', კვონგ ვუკ ჰვანგი 82', 0:4 იანგ სუნგ კიმი 88'
მატჩის შესახებ
დღევანდელ შეხვედრას ს. კ. „სამტრედიისა“ და ბოლნისის „სიონის“ ხელმძღვანელები ესწრებოდნენ. გიორგი დარასელიამ ის 6 ფეხბურთელი დაასვენა, რომლებიც წინა სპარინგ-მატჩის(„ირტიშთან“) სასტარტო შემადგენლობაში იყვნენ - შეყრილაძე, ჩიკვილაძე, ჭელიძე, ადამაძე, გოგიჩაიშვილი და კლიმიაშვილი, ხოლო დანარჩენი 5 მოგვიანებით ჩაერთო თამაშში. „ტორპედოს“ მაისურით პირველი ტაიმი ჩაატარა სინჯებზე მყოფმა, 23 წლის ფრანგმა ნახევარმცველმა ბლანსტელ კოუსსალოუკამ. იგი ჩვენს გუნდში აღარ ითამაშებს.

მატჩი სამხრეთკორეელთა უპირატესობით მიმდინარეობდა და მიუხედავად ქუთაისელთა მცდელობებისა, მათივე დიდი ანგარიშით გამარჯვებით დასრულდა. აზიელებმა პირველად მე-40 წუთზე აიღეს მეტოქის კარი. 72-ე წუთზე ტორპედოელმა ბექა ტუღუშმა მეორე ყვითელი ბარათი მიიღო და მოედანი დატოვა. კაცნაკლულმა „ტორპედომ“ დარჩენილ დროში კიდევ სამი გოლი გაუშვა და საბოლოოდ, 0:4 დამარცხდა.
თურქეთი 02.02.2015 17:00 ტორპედო 0:4 ჟეჟუ იუნაიტედი
თურქეთი01.02.2015 19:00
ტორპედო 2:0 ირტიში
1:0 დავით კირკიტაძე 20', 2:0 ოთარ კვერნაძე 40'
მატჩის შესახებ
გიორგი დარასელიამ სასტარტო შემადგენლობაში 4 მცველი - ბანძელაძე, ჭელიძე, ადამაძე და ჩიკვილაძე დააყენა. მათზე ოდნავ წინ გოგიჩაიშვილი და კლიმიაშვილი მოქმედებდნენ, ნახევარდაცვის მარცხენა მხარეს ძირითადად ტუღუში და მასზე ოდნავ წინ საბანაძე, ხოლო მარჯვნიდან კირკიტაძე იყვნენ გამწესებულები. გამოკვეთილი ფორვარდი კვერნაძე იყო, რომელიც საჭიროების შემთხვევაში ცენტრამდეც იწევდა.

შეხვედრა ქართველებმა ენერგიულად დაიწყეს და ყაზახები პირველივე წუთებში შეავიწროვეს. ჩიკვილაძის ჩაწოდებებით ერთწუთიან მონაკვეთში ადამაძეს ორჯერ შეეძლო თავით გატანა, მაგრამ მან პირველი მცდელობა გააცუდა, მეორეს შემდეგ კი, მეკარე დავით ლორიამ მოუგერია ბურთი კუთხურზე. ამ უკანასკნელის კარის მიმართულებით ზეწოლა მე-20 წუთამდე უშედეგო იყო, სანამ ანგარიში გაიხსნებოდა, ყოველივე ასე მოხდა - „ტორპედოს“ მრავალსვლიანი კომბინაცია შეტევის დასკვნით ფაზაში დავით კირკიტაძემ დააბოლოვა გოლით, რომელმაც ყურადღებით ითამაშა და მეტოქე მცველის უხერხულად მოგერიებული ბურთი გადაგზავნა კარში - 1:0. გათანაბრების შესაძლებლობა პავლოდარელებს აქედან ორ წუთში ჰქონდათ, როცა რეისმა ააცილა ახლოდან თავით. ეს ეპიზოდი მათთვის ყველაზე რეალური იყო პირველ ორმოცდახუთ წუთში. პრინციპში, მეტი ღირებულიც არაფერი შეუქმნიათ. მალევე ტორპედოელთა მეკარემ გამოავლინა დამაჯერებლობა. 28-ე წუთზე, კვერნაძე მახვილი კუთხიდან ბურთიანად შეიჭრა მეტოქის საჯარიმოში, მაგრამ მეკარის მოტყუება არ გამოუვიდა. არ გასულა წუთი და ჩიკვილაძემ „ცოცხალი კედლისგან“ ასხლეტილი ბურთი სახიფათოდ, მაგრამ არაზუსტად გაუშვა კარისკენ. 37-ე წუთზე, კლიმიაშვილის შესრულებული „სტანდარტის“ შემდეგ ადამაძემ ფეხით ვერ მოახვედრა მიზანში ბურთი. მე-40 წუთზე, ტუღუშის დარტყმულს კუთხური მოჰყვა, რომელსაც ჩიკვილაძე პირდაპირ კარში ახვევდა, მეკარემ რეაქცია კი გამოავლინა, მაგრამ ბურთი ხარიხას გაარტყა, გამოვარდნილს ოთარ კვერნაძე ადგილზე დახვდა და თავის შეხებით მშვიდად გაზარდა სხვაობა - 2:0.

მეორე ტაიმში ქუთაისელთა სათამაშო ტაქტიკა განსხვავებული იყო. აქედან გამომდინარე, მოედანზე გამოსულ სხვა ირტიშელებს უმნიშვნელო უპირატესობა მიეცათ. მათ კი სცადეს, მაგრამ დაცვისა და მთლიანად გუნდის კარგი თამაშით ტორპედოელთა კარს გასაღები ვერ მოუძებნეს. დარჩენილ დროში ორივე კართან სულ რამდენიმე საგოლე მომენტი იყო. 71-ე წუთზე, ჩიკვილაძემ ჩააწოდა კუთხურიდან ბურთი და კვარაცხელიამ დაარტყა მას თავი, ბურთი მეკარემ გადააგდო კუთხურზე. 85-ე წუთზე, ყაზახელთა მე-20 ნომერმა ანგარიშში მინიმუმამდე ჩამორჩენის ასპროცენტიანი შანსი გაუშვა ხელიდან. ესე იყო და ეს, „ტორპედომ“ ამა წლის პირველი მეტოქე დამსახურებულად დაამარცხა - 2:0.
თურქეთი 01.02.2015 19:00 ტორპედო 2:0 ირტიში
გათამაშების ცხრილი
#გუნდი
1 დინამო ბათუმი 21 13 3 5 42
2 დინამო თბილისი 21 13 3 5 42
3 დილა 21 12 5 4 41
4 სამტრედია 21 10 4 7 34
5 სპარტაკი 21 10 3 8 33
6 შუქურა 21 8 6 7 30
7 ჩიხურა 21 8 6 7 30
8 გურია 21 7 8 6 29
9 ტორპედო 21 6 9 6 27
10 მერანი 21 6 7 8 25
11 მეტალურგი 21 6 6 9 24
12 ზესტაფონი 21 5 8 8 23
13 კოლხეთი 21 5 7 9 22
14 ზუგდიდი 21 5 6 10 21
15 სიონი 21 5 5 11 20
16 ვიტ ჯორჯია 21 4 4 13 16
მომდევნო თამაში
დინამო (ბთ) - ტორპედო
03.04.2015
16:00
ბოლო თამაში
ტორპედო - სამტრედია
3:1

დაწვრილებით